Infinix S4 عودة انفينيكس القوية مواصفات وسعر


Infinix S4 أو Infinix Hot S4
طبعا شركة انفينيكس زى ما وضحنا قبل كده انها بقالها فترة بعيدة عن المنافسة خصوصا فى الفئة المتوسطة اللى دخل فيها شركات كتير زى شاومى و أوببو و ريلمى وكن لازم شركة انفينيكس تنزل موبايل جديد يكون بنفس مستوى المنافسة ويكون مميز عن باقى الأجهزة اللى نزلتها وبصراحة نقدر نقول ان انفينيكس فعلا خدت القرار السليم و ممكن نشوف الجهاز ده بينافس أجهزة كتيرة فى الفئة الاقتصادية وده لأنه مواصفاته قوية جدا ويعتبر بوابة انفينيكس للمنافسة مرة تانية

مواصفات الموبايل
التصميم جميل جدا والألوان متدرجة فى الضهر بتدى شكل جميل معا ال Water Drop Notch و الحواف القليلة بتحس ان الموايل كله شاشة
الشاشة 6.2 انش من نوع IPS LCD بجودة HD+ بدقة 1520x720 بيكسل بكثافة 271 بيكسل ومفيش طبقة حماية
أبعاد الموبايل 156.7 x 75.3 x 8.3 mm
الموبايل يدعم تركيب شريحتين اتصال وكارت ميمورى فى نفس الوقت
نظام التشغيل Android Pie 9.0 بواجهة X OS 5.0
الألوان أسود و أحمر و بنفسجى و أزرق 

الكاميرا الخلفية 3 كاميرات 
الكاميرا الأولى 13 ميجا بيكسل بفتحة عدسة F1.9 
الكاميرا التانية 8 ميجا بيكسل بفتحة عدسة F2.4 
الكاميرا الأخيرة 2 ميجا بيكسل 
الكاميرا بتدعم الذكاء الاصطناعى و فلاش Led رباعى و HDR و Autofocus
وبتصور فيديو بدقة 1080p بمعدل التقاط 30 اطار فى الثانية 
الكاميرا الأمامية 32 ميجا بيكسل بصراحة كاميرا خرافية جدا وتعتبر من أفضل الكاميرات السيلفى فى الفئة المتوسطة وبتكون بفتحة عدسة F2.0 وبتدعم الذكاء الأصطناعى AI وكمان بتدعم HDR وبتصور فيديو بدقة 1080p بمعدل التقاط 30 اطار فى الثانية 

المعالج بيكون من نوع Mediatek Helio P22 بتكنولوجيا 12 نانوميتر و يعتبر معالج كويس ولكن ادائه متوسط وممكن يعتبر ضعيف مقارنة بالمنافسين أما المعالج الرسومى فبيكون PowerVR GE8320  
الرامات بتكون 3 نسخ  النسخة الاول بتكون 6 جيجابايت و التانية بتكون 4 جيجا بايت و النسخة الأخيرة بتكون 3 جيجا بايت  
و الذاكرة الداخلية بتكون نسختين النسخة الأولى بتكون 64 جيجا بايت و النسخة التانية بتكون 32 جيجا بايت معا امكانية اضافة كارت ميمورى 
البطارية بتيجى بسعة 4000 ميللى أمبير وبتدعم الشحن السريع و منفذ الشحن بيكون Micro USB 2.0
سعر الموبايل حوالى 3100 جنيه لنسخة ال 6 جيجا بايت رام

مميزات الموبايل
. يدعم وجود مستشعر بصمة فى الضهر
. يدعم تركيب شريحتين اتصال وكارت ميمورى فى نفس الوقت
. الكاميرا السيلفى تعتبر واحدة من أفضل الكاميرات فى الفئة المتوسطة 
. البطارية قوية جدا وبدعم الشحن السريع
. الموبايل بيدعم راديو FM و مدخل سماعات 3.5 ميللى

عيوب الموبايل 
. الشاشة جودتها متوسطة ومش من نوع Amoled
. المعالج ضعيف 
. منفذ الشحن مش Type C