Lenovo z6 Pro منافسة على لقب أقوى موبايل مواصفات و سعر


Lenovo Z6 Pro
شركة لينوفو بتقدم موبايل قوى جدا من فئة الفلاج شيب ويعتبرأقوى موبايل الشركة قدمته وهييجى بمواصفات جبارة جدا حسب ما الشركة أعلنت ولغاية دلوقتى الجهاز ما نزلش رسميا بس الشركة أعلنت عن تسريبات لمواصفاته وأعلنت انه هيكون متاح فى الأسواق فى نهاية شهر ابريل الحالى

مواصفات الموبايل 
التصميم طبعا جميل جدا وشبابى وخصوصا شكل الموبايل من الضهروالألوان المتدرجة بتديله شكل جميل معا الحلقات الملونة اللى بتكون حوالين الكاميرات وكمان الحواف اللى شبه معدومة كل ده مخلى الموبيال رهيب جدا 
خامات التصنيع من الزجاج معا اطارات من الألومنيوم
الشاشة 6.39 انش من نوع Super Amoled بدقة 1080x2340 بيكسل19.5:9 ( بكثافة 403 بيكسل لكل انش) 
الموبايل بيدعم تركيب شريحتين اتصال Nano SIM
واجهة النظام Android Pie 9.0 : ZUI 11

الكاميرا الخلفية 4 كاميرات 
الكاميرا الأولى 48 ميجا بيكسل بفتحة عدسة F1.8
الكاميرا التانية 16 ميجا بيكسل 
الكاميرا التالتة 8 ميجا بيكسل
الكاميرا الأخيرة 2 ميجا بيكسل
الكاميرات بتدعم HDR و Panorama و كمان بتدعم OIS و Touch-to-focus, Phase Detection AF و بتصور فيديو لحد دقة 2160p بمعدل التقاط 30 اطار فى الثانية
الكاميرا السيلفى بتكون كاميرا واحدة بس 32 ميجا بيكسل بفتحة عدسة F2.2  برضه بتدعم HDR وبتصور فيديو بدقة 1080p بمعدل التقاط 30 اطار فى الثانية 

المعالج بيكون Snapdragon 855 بتكنولجيا 7 نانو اللى بتقلل استهلاك البطارية بصورة كبيرة جدا والمعالج الرسومى بيكون Adreno 640  والمعالجين دول هما أقوى معالجات من شركة Qualcomm وتقريبا أقوى حاجة فى منصة Android
الرامات نسختين 8 جيجا بايت أو 12 جيجا بايت
ذاكرة التخزين الداخلية 3 نسخ اما 512 جيجا بايت أو 256 جيجا بايت أو 128 جيجا بايت و الموبايل  مبيدعمش تركيب كارت ميمورى
البطارية سعتها بتكون 4000 ميللى أمبير وبتدعم الشحن السريع بقدرة 18W ومنفذ الشحن بيكون USB Type C
سعر الموبايل حوالى 430 دولاريعنى ما يعادل  7250 جنيه مصرى

مميزات الموبايل
. الشاشة جودتها عالية ودقتها ممتازة
. الكاميرات رهيبة جدا سواء الخلفية أو الأمامية 
. وجود مستشعر يصمة فى أسفل الشاشة
. البطارية قوية جدا وبتدعم الشحن السريع 
. المواصفات الداخلية قوية جدا وخصوصا المعالجات 

العيوب
. لا يدعم تركيب كارت ميمورى 
. لا يوجد مدخل سماعات 3.5 ميللى

بصراحة احنا شايفين ان الموبايل قوى جدا ولو فعلا هينزل بالمواصفات ديه فنقدر نعتبره واحد من أقوى موبايلات الأندرويد وهيتخطى موبايلات كتير وممكن يكون منافس قوى ل 
ZTE Axon 10 Pro 5G اللى بنعتبره أقوى موبايل أندرويد لحد دلوقتى ولكن ممكن الكلام ده يتغير بعد نزول Lenovo Z6 Pro