Samsung Galaxy A80 مواصفات وسعر طفرة سامسونج







 طبعا فاكرين من فترة سامسونج كانت اعلنت عن اربع انواع من الشاشات وهم Infinity-o & Infinity-u & Infinity-v & New Infinity 
والتليفون ده هو اول تليفون ينزل من سامسونج بال Infinity Display شاشة كاملة بدون نوتش ولا كاميرا محفورة جوه الشاشة صحيح لم تكن سامسونج هي اول شركة تنزل تليفون بالشاشة دي ولكن اخيرا ساسمونج عملتها 

اولا نتكلم عن التصميم 
التليفون بالكامل من الزجاج ماعدا طبعا الاطار الالومنيوم لاول وهله تشوف التليفون هتحس انك مش مرتاح لشكل الكاميرات في الخلف وهي في مكان غريب جدا وجديد وتصميمها مختلف ايضا عن المعتاد والظهر مفيهوش اي شيء غير الكاميرا اللي موجود في الجزء العلوي للجهاز ولكن لما تعرف ان الكاميرا دي هي السر بتاع التصميم ده ممكن تتقبل الشكل بتاع الجهاز وقتها 
فكرة الكاميرا الدواره واللي بتقلب الكاميرا الخلفيه تخليها اماميه  اكيد مش جديدة قبل كدة شوفناها في Oppo  ولكن اول مرة نشوفها في تليفون من تليفونات سامسونج 

اما الشاشة فمعتقدش ان في حد ممكن يختلف عليها شاشة سامسونج السوبر اموليد العظيمة 6.7 انش بدقة 2400 * 1080 بيكسل وكثافة 393 بيكسل في كل بوصة 

المعالج يعتبر من المعالجات الجديدة لاول مرة هنشوفه في تليفون وهو معالج سناب دراجون الجديد 730  8 نانو ميتر 
8 انوية 2 منهم للمهام الصعبة والثقيلة بتردد 2.2 جيجا هيرتز  وال 6 انوية الاخري للمهام البسيطة او المتوسطة بتردد 1.7 جبجا هيرتز  المعالج الرسومي كمان معالج جديد ADRINO 618 

اما عن نظام التشغيل فهو الواجهه الجديدة بتاعت سامسونج ال ONE UI العظيمة 

التليفون بيجي بذاكرة  128 جيجا مع 8 جيجا رام 

نيجي بقي للكاميرات ودي بقي الطفرة التالته اللي بتقدمها  سامسونج في التليفون ده بعد الشاشة والمعالج  الكاميرا الرئيسية 48 ميجا بيكسل بفتحة عدسة F2.0  وبتصور فيديو لحد دقة 4K  الكاميرا التانية الالترا وايد 8 ميجا بيكسل بفتحة عدسة F2.2  والكاميرا الثالثة 3D DEBTH SENSOR لقياس الابعاد وفي نفس الوقت عشان تديك لايف فوكس بالاضافة لقياس طول او عرض الاجسام اللي بتصورها يعني تقدر انك تدمج الواقع المعزز اثناء التصوير كمان لاول مره فيديو لايف فوكس يعني تقدر تعزل الخلفية وانت بتصور فيديو في كل الحالات سيلفي او تصوير مشاهد عادية 

واخيرا البطارية للاسف  3700 ملي امبير ومش 4000  يمكن عشان المساحة بتاعت الموتور الخاص بالكاميرا واكيد هو واخد من حيز البطارية تحت الشاشة  ولكن اضافت شحن سريع  25W لاول مرة  ودة مكنش موجود في اجهزة الفلاج شيب بتاعت  سامسونج  

التليفون بيجي ب 3 الوان الابيض والدهبي والاوسود  والاسماء بتاعتهم كما اطلقت عليهم سامسونج

 FANTOM BLACK  
GOST WHITE  
ANGEL GOLD 

اما بالنسبة للسعر فهو لم يحدد بعد