أخيرا فى مصر Amazon


أخيرا أمازون بقت متاحة فى مصر أو حتى على الورق بس وده على الموقع الرسمى بتاع سوق ومن أيام شوفنا على الموقع الرسمى بتاع سوق دوت كوم الامارات اتحول وبقا اسمه أمازون الامارات و الكلام ده برضه حصل فى السعودية
و من فترة شركة Amazon كانت اشترت Souq وكان مكتوب تحت كلمة سوق دوت كوم An Amazon Company بس كانت سوق محتفظة باسمها ودلوقتى شالو سوق خالص

بس الفكرة اننا عمرنا ما شوفنا منتجات أمازون على سوق وهوا مجرد بس اسم مشترى و أكيد المفروض ان فيه نوع من خدمات أمازون يكون موجود على سوق ومش مجرد اسم بس وخلاص 
و نتفاجئ من كام يوم على سوق دوت كوم ان فى Store اسمه USA Global Store و بيبيع منتجات أمازون فوق ال 750ألف منتج 
على سوق دايما لما بتيجى تشترى الحاجة بتلاقى ال Store أو ال Seller اللى بيبيعها و يا اما بتلاقى سوق دوت كوم يا اما بتلاقى شركة أو بتلاقى تاجر و الاسم بيبقى مكتوب 
الجديد بقا ان بقى مكتوب USA Global Store و ده ستور أو متجر رسمى بيشحن من أمريكا 

و الغريب كمان فى الموضوع ان أسعارهم نفس أسعار أمازون بالظبط يعنى لو خدت منتج على سوق وخدت سعره وحولته بالدولار هتلاقى انه نفس سعره على أمازون 
المميز بقا فى الموضوع هوا انك هنا فى بلدك يعنى هتطلب الحاجة من سوق دوت كوم و هيوصلك المنتج بتاع أمازون هنا لحد بيتك وهتدفع بس مصاريف شحن 25 جنيه 
ومفيش طبعا ولا جمارك ولا ضرايب ولا أى حاجة من الحاجات اللى هتدفعها لو جبت منتج من بره وديه طبعا ميزة انك بتشتر حاجة جوه بلدك

طبعا حاجة غريبة ازاى الحاجة اللى فى أمازون هتجيلنا هنا مصر و بنفس سعرها بره و من غير جمارك ولا ضرايب و مين اللى هيدفع الحاجات ديه و هيا بتتشحن من بره و ازاى سوق هيوفر العدد ده كله و المنتجات ديه كلها من غير ما يدفعنا شحن ولا جمارك ولا ضرايب 

أسئلة كتير بس مفيش حاجة رسمية دلوقتى و لو فيه أى جديد فى الموضوع هنتكلم عنه 
و لو معظم المنتجات ديه فعلا زى ما هيا بالأسعار ديه محدش هيشترى من بره 
و كل المنتجات الأصلية موجودة أحذية و ساعات و محافظ حاجات فعلا لما بتعوزها أصلية بتدور عليها فى أمازون 
ورغم ان الموضوع مش أكيد الا ان الفكرة نفسها هايلة جدا وهتسهل علينا تجربة الشراء أون لاين بصورة كبيرة وهتوفر منتجات صعب اننا نلاقيها فى مصر