Energizer Ultimate U570S شركة اينيرجايزر بتستفتح موصفات و سعر


Energizer Ultimate U570S
شركة Energizer زى ما وعدتنا من فترة انها تبهرنا بأجهزتها الجديدة اللى هتقدر بيها تنافس أقوى شركات الأجهزة المحمولة 
ابتدت توفى بوعدها وأطلقت أجهزة كتير كلها مميزة شكلا و مواصفات وده اللى هنشوفه معا فى الفترة اللى جاية لأن الشركة ناوية بجد تتجه للمنافسة فى سوق الموبايلات وبصراحة أجهزتها فعلا تستاهل انها تنافس

مواصفات الموبايل
الموبايل تصميمه جميل جدا وتم الأعلان عن الموبايل من فترة قريبة وشركة Energizer قررت انها تمشى معا التريندات اللى مسيطرة بقالها فترة وحطت نوتش صغيرة من نوع Water Drop Notch و ديه حاجة كويسة وبتدى شكل كويس للموبايل
الشاشة بتيجى بحجم 5.7 انش من نوع IPS LCD بدقة 720x1520 بيكسل بكثافة 295 بيكسل لكل انش 
ألوان الموبايل Aurora Red, Blue, Yellow
الموبايل بيدعم تركيب شريحتين اتصال أو استخدام شريحة اتصال واحدة معا كارت ميمورى مكان الشريحة التانية 
نظام التشغيل Android Pie 9.0

الكاميرا الخلفية مزدوجة الأولى 16 ميجا بيكسل و الكاميرا التانية 2 ميجا بيكسل بتعمل كمستشعر للعمق
الكاميرات بتدعم HDR و Panorama و فلاش ليد ثنائى 
و بتصور فيديو بدقة 1080p بمعدل التقاط 30 اطار فى الثانية 
أما الكاميرا السيلفى فبتكون كاميرا واحدة بس بدقة 16 ميجا بيكسل  و بتدعم HDR وبتصورفيديو بدقة 1080p بمعدل التقاط 30 اطار فى الثانية

المعالج بيكون Mediatek Helio A22 بتكنولوجيا 12 نانو اللى هتساعد على تخفض البطارية بنسبة معقولة و المعالج يعتبر كويس جدا
أما المعالج الرسومى فبيكون PowerVR GE8320
الرامات بتكون 4 جيجا بايت معا ذاكرة تخزين داخلية 32 جيجا بايت 
وممكن اضافة كارت ذاكرة خارجى مكان الشريحة التانية زى ما قلنا لحد 128 جيجا بايت

البطارية بتيجى بسعة 3000 ميللى أمبير وهيا سعة كويسة ولكن مش أحسن حاجة بتقدمها الشركة لأن الجهاز ده يعتبر من أقل الأجهزة وفيه أجهزة تانية من Energizer بتكون سعة البطارية فيهم خيالية يعنى ممكن نعتبر ان الجهاز ده مجرد استفتاح من الشركة
للأسف مبيدعمش خاصية الشحن السريع ومنفذ الشحن بيكون Micro USB 2.0
سعر الموبايل  لم يتم تحديده و ممكن معا نزول الموبايل رسميا يتم الأعلان عنه 

مميزات الموبايل
. يدعم مستشعر بصمة فى الجنب
. يدعم خاصية Face ID
. يدعم مدخل سماعات 3.5 ميللى و يدعم راديو FM

العيوب
. لا يدعم NFC
. لا يدعم خاصية الشحن السريع اللى تعتبر ضرورية جدا فى أى موبايل
. لا يدعم تركيب شريحتين اتصال و كارت ميمورى فى نفس الوقت
. حجم الشاشة قليل نسبيا و جودتها ضعيفة

بصراحة الموبايل كويس جدا ولكن ننصح أى حد بيفكر يشتريه انه يستنى نزول الأجهزة الأعلى من Energizer لأنها هتكون بمواصفات أعلى و امكانيات رهيبة ده لو بتفكر تجرب أجهزة الشركة اللى تعتبر حديثة فى سوق الموبايلات وبصراحة الشركة فعلا تستاهل انك تجرب أجهزتها أما لو حابب تجرب الشركات اللى ثبتت أقدامها فى سوق الأجهزة المحمولة أو الشركات اللى تعتبر هيا أساس الموبايلات فبننصحك بالسعر ده انك تجرب Xiaomi Redmi Y3