Motorola Moto G7 عودة موتورولا من جديد مواصفات وسعر


Motorola Moto G7
شركة موتورولا كانت طول عمرها من أفضل شركات المحمول ومش بس أفضل لأ كمان أقدم الشركات وللى ميعرفش تاريخ الشركة ديه 
هيا شركة اتصالات أمريكية اتأسست سنة 1928 م فى مدينة ايلينوى فى الولايات المتحدة الأمريكية و الشركة ديه كانت الشركة اللى أنتجت أول موبايل فى العالم واللى اخترعه مارتن كوبر وكان مهندس فى الشركة والكلام ده كان فى سنة 1973م
أكيد كتير منكم عارفين الشركة و عارفين انها فضلت واحدة من أفضل الشركات لحد فترة قريبة والشركة اختفت من المنافسة و طبعا المنافسين اكتسحوا السوق ومبقيناش نشوف أجهزة Motorola وده تقريبا شبه اللى حصل لنوكيا

الشركة باعت القسم المخصص للأجهزة المحمولة و الالكترنيات اللى اسمه Motorola Mobility فى سنة 2012 م لصالح شركة جوجل اللى باعتها سنة 2014 لشركة لينوفو 
ودلوقتى الشركة تعتبر تابعة للشركة الأم وهيا شركة لينوفو الصينية 
و الشركة قررت انها ترجع تانى للأسواق وتنافس بقوة وده عن طريق تغيير خط انتاجها وانتاج موبايلات بمواصفات حديثة وشكل جميل فى التريندات الموجودة دلوقتى وعشان كده شفنا Moto G7 اللى يعتبر واحد من أفضل الأجهزة المحمولة 

مواصفات الموبايل 
الموبايل بييجى بشكل جميل وتصميم ممتاز معا حواف صغيرة ونوتش Water Drop
ومصنوع من الزجاج مش البلاستيك وديه نقطة كويسة جدا من الشركة لأن البلاستيك بيخلى الموبايل مش Premium
الشاشة 6.2 انش من نوع IPS LCD بدقة 1080x2270 بيكسل بكثافة 405 بيكسل لكل انش 
وطبعا ب Water Drop Notch وعليها طبقة حماية Corning Gorilla Glass 3
وزن الموبايل 172 جرام بأبعاد 157 x 75.3 x 8 mm (6.18 x 2.96 x 0.31 in)
الموبايل بيدعم تركيب شريحتين اتصال و كارت ميمورى فى نفس الوقت
نظام تشغيل الموبايل Android 9.0 Pie 
ألوان الموبايل Ceramic Black, Clear White

الكاميرا الخلفية بتكون مزدوجة 
  1. الكاميرا الأولى 12 ميجا بيكسل PDAF بفتحة عدسة F1.8
  2. الكاميرا التانية مستشعر عمق 5 ميجا بايت بفتحة عدسة F2.2

الكاميرا بتدعم LED flash, panorama, HDR
و تصوير الفيديو 2160p@30fps, 1080p@30/60fps, gyro-EIS

أما الكاميرا السيلفى فبتكون كاميرا واحدة 8 ميجا بيكسل بفتحة عدسة F2.2
وبتدعم HDR و بتصور فيديو بدقة 1080p بمعدل التقاط 30 اطار فى الثانية
خصائص الكاميرات Autofocus, Continuous shooting, Digital zoom, Geotagging, Panorama, HDR, Touch focus, Face detection, White balance settings, ISO settings, Exposure compensation, Self-timer, Scene mode, Phase detection

المعالج بيكون Snapdragon 632 من شركة Qualcomm بتكنولوجيا 14 نانو اللى بتقوم بتخفيض استهلاك البطارية 
و المعالج الرسومى بيكون Adreno 506 اللى يعتبر معالج قوى ومش هيواجه مشكلة فى تشغيل الألعاب التقيلة
الموبايل بييجى برامات 4 جيجا بايت وذاكرة تخزين داخلية 64 جيجا بايت 
معا امكانية تركيب كارت ميمورى لحد 1T فى منفذ منفصل

البطارية بتيجى بسعة 3000 ميللى أمبير وبتدعم خاصية الشحن السريع بقدرة شاحن 15W 
ومنفذ الشحن بيكون USB Type C وطبعا ديه حاجة ممتازة جدا من الشركة 
سعر الموبايل بيكون 195 دولار يعنى حوالى 3300 جنيه

مميزات الموبايل
  • يدعم مستشعر بصمة فى الضهر
  •  يدعم الشحن السريع ومنفذ الشحن Type C
  • يدعم تركيب شريحتين اتصال معا كارت ميمورى فى نفس الوقت 
  •  يدعم راديو FM و مدخل سماعات 3.5 ميللى
  •  الشاشة كثافة بيكسلاتها ممتاز ودقتها كويسة

عيوب الموبايل
  •  المعالج قديم الى حد ما 
  •  البطارية سعتها مش كبيرة زى الجهزة المنافسة
  •  الكاميرا السيلفى أدائها سيئ

الموبايل قوى جدا وسعره كويس ويعتبر خطوة كبيرة فى طريق عودة شركة موتورولا من جديد وخصوصا ان الشركة اهتمت بالتريندات زى النوتش الصغيرة و الحواف القليلة و منفذ الشحن Type C كل ده بيخلى الموبايل مواكب لتطور السوق فى الفترة ديه وممكن نشوف من الشركة أجهزة أقوى وتكون فلاج شيب محترم فى المستقبل