OnePlus 7 Pro مواصفات وسعر الفلاج شيب اللى من غير أى تنازلات



OnePlus 7 Pro
كل شوية بيظهر تسريبات جديدة عن الموبايل ده و بصراحة ال OnePlus 7 Pro المفروض ان هوا الفلاج شيب الحقيقى من غير أى تنازلات من شركة ون بلس و أكتر حاجة رهيبة سمعناها عن الموبايل ده انه جاى بشاشة 6.67 انش Amoled Quad HD+ معا Rfresh Rate 90Hz وديه حاجة مشفناهاش لحد دلوقتى وكمان بكثافة بيكسلات 516 بيكسل لكل انش  وبطبقة حماية
 Corning Gorilla Glass 6

و موقع Display Mate اللى هوا بيختبر شاشات الموبايلات وبيديها تقييم
ادى شاشة ال OnePlus 7 Pro تقييم A+ وده تقييم عالى جدا وتقريبا أعلى حاجة 
واتضح كمان بعد كده ان الشاشة ديه بتدعم HDR 10+ وديه حاجة رهيبة جدا ومش منتشرة خالص فى الموبايلات ومعنى كده ان الألوان هتبقى أحسن بكتير وهتلاقى Contrast خطير وكمان اضاءة الشاشة هتكون أعلى جدا من المعتاد 

فبصراحة من ناحية الشاشة احنا مطمنين ان OnePlus 7 Plus جاى بأفضل شاشة متاحة 
لكن فى حاجة كمان خطيرة جدا أعلن عنها مدير شركة OnePlus 
ان OnePlus 7 Pro و OnePlus 7 هتكون أول موبايلات تتباع فى السوق فعليا معا ذاكرة داخلية من نوع UFS 3.0 وهيا اختصار ل Universal Flash Storage و تقريبا كل الموبايلات الموجودة فى السوق دلوقتى بتيجى معا UFS 2.1 وبكده لو الكلام ده حقيقى فنقدر نقول ان UFS 3.0 هيكون أسرع مرتين فى قراءة الملفات وكتابة الملفات وده هيديك بشكل عام أداء أسرع للموبايل كله أسرع بمرتين من كل الأجهزة المتاحة 
و المفروض حسب التسريبات كمان ان Galaxy Note 10 هيدعم نفس الموضوع 

واللى هيكون كمان أقوى بمرتين من العادى فى OnePlus 7 Pro هوا الموتور بتاع ال Vibration و الكلام ده أعلنه مدير الشركة شخصيا وديه حاجة بصراحة كويسة جدا لأن موتور ال Vibration فى ال OnePlus 6 كان من الحاجات اللى احساسها مش كويس شوية 
وكمان الشركة من فترة كانت نزلت فيديو بيوحى ان OnePlus 7 Pro هيكون مقاوم للماء 
و اتضح بعدها من كلام مدير الشركة ان الموبايل فعلا هيكون مقاو للماء ولكن مش بصورة رسمية وده أكيد معناه ان شركة ون بلس مش عايزه تصرف عشان تاخد الاعتماد الفعلى بتاع ال IP عشان حاسين ان ملوش لزمة 

وحسب التسريبات اللى سمعناها من فترة ان سعر One Plus 7 Pro ممكن يبدأ من 660 دولار وبصراحة احنا متحمسين جدا للموبايل ده لأنه هيكون موبايل رهيب بمعنى الكلمة ومش بس اللى بيميزه الشاشة أو خاصية قراءة وكتابة الملفات السريعة ولكن كمان كل مواصفاته فلاج شيب و تعتبر حرفيا أعلى حاجة متاحة 

مثلا هنلاقى ان الكاميرات الخلفية 3 كاميرات
الكاميرا الأولى 48 ميجا بيكسل بفتحة عدسة F1.6 
الكاميرا التانية UltraWide بدقة 16 ميجا بيكسل وبفتحة عدسة F2.2 
الكاميرا التالتة Telephoto x3 Zoomبدقة 8 ميجا بيكسل وبفتحة عدسة F2.4 
و الكاميرا بتدعم فلاش ليد ثنائى و HDR و Panorama
و تصوير الفيديو 2160p@30/60fps, 1080p@30/60/240fps, 720p@480fps, Auto HDR, gyro-EIS
أما الكاميرا السيلفى فبتكون Motorized pop-up 16 MP, f/2.0, 25mm (wide), 1/3.1", 1.0µm
وبتدعم Auto-HDR 
وتصوير الفيديو 1080p@30fps, gyro-EIS

وده بالنسبة للكاميرات بس واللى طبعا مش محتاجين نقول انها من أفضل الكاميرات الموجودة فى السوق ولكن لسه مفاجأت الموبايل مخلصتش لأن زى ما قلنا الموبايل بييجى بأعلى مواصفات وكمان من ناحية الشكل و التصميم هنلاقى ان شكله Premium جدا وفعلا هتحس ان معاك موبايل فلاج شيب
و ألوانه بتكون Mirror Grey, Almond, Nebula Blue

ومن ناحية التصميم هنلاقى انه طبعا كله من الزجاج مش من البلاستيك وديه حاجة رهيبة جدا وبتميز أجهزة الفلاج شيب عن غيرها 
ووزنه بيكون 210 جرام بأبعاد 162.6 x 76 x 8.8 mm (6.40 x 2.99 x 0.35 in)
وبيدعم تركيب شريحتين اتصال فى نفس الوقت 
ونظام التشغيل بيكون Android 9.0 Pie بواجهة OxygenOS 9

بالنسبة بقا للأداء فهنلاقى ان الموبايل بيدى أداء مثالى بمعالج Snapdragon 855 من Qualcomm بتكنولوجيا 7 نانو اللى تخلى استهلاك البطارية منخفض لأقصى درجة وكمان المعالج سريع جدا ومفيش فى قاموسه كلمة تهنيج أو بطء وهوا أعلى معالج متاح لأجهزة الأندرويد
و المعالج الرسومى بيكون Adreno 640 برضه من Qualcomm واللى مفيش أى لعبة هتكون مشكلة بالنسباله وهيخليك تشغل أى لعبة تتخيلها بأعلى اعدادات من غير أى مشاكل 
و الموبايل بييجى ب 3 نسخ 
النسخة الأولى 256 جيجا بايت ذاكرة تخزين داخلية معا 12 جيجا بايت رام
النسخة التانية 256 جيجا بايت ذاكرة تخزين داخلية معا 8 جيجا بايت رام
النسخة الأخيرة 128 جيجا بايت ذاكرة تخزين داخلية معا 6 جيجا بايت رام
ومفيش منفذ لتركيب كارت ذاكرة خارجى

كده اتأكدنا فعلا ان الموبايل بييجى بأعلى مواصفات بس ممكن المواصفات والكاميرات وكل الحاجات ديه ميبقاش ليه لزمة لو الموبايل بطاريته ضعيفة لكن زى ما قلنا ان الموبايل شعاره انك متتنازلش عن أى حاجة وده اللى شركة بتأكده وواخدة بالها منه ان لازم متنساش البطارية وهنلاقى ان ال OnePlus 7 Pro

بييجى ببطارية سعتها 4000 ميللى أمبير وهيا سعة ممتازة جدا ومعا تكنولوجيا 7 نانو الخاصة بالمعالج هنلاقى ان البطارية مش هتحتاج شحن لفترات طويلة 
وحتى لو احتاجت شحن هنلاقى ان خاصية الشحن السري موجودة هتشحنها فى وقت قليل جدا خصوصا انها بقدرة 30W (Wrap Charge) وديه من أعلى قدرات الشحن السريع المتاحة
كمان منفذ الشحن بيكون USB Type C 

مميزات الموبايل
. بيدعم مستشعر بصمة فى الشاشة 
. بييجى بأفضل شاشة متاحة وجودة عالية وكثافة بيكسلات ممتازة وحجم مثالى
. أعلى مواصفات داخلية ممكنة و أقوى أداء متاح
. أفضل كاميرات ممكنة ونظام كاميرا أمامية رهيبة 
. قدرة ممتازة على قراءة وكتابة الملفات أسرع من أى موبايل متاح
. بطارية ممتازة بخاصية شحن سريع فائق 
ومنفذ شحن USB Type C
. ذاكرة تخزين داخلية كبيرة جدا ورامات قوية فى كل النسخ
. يدعم تركيب شريحتين اتصال فى نفس الوقت ويدعم NFC

عيوب الموبايل 
. لا يدعم تركيب كارت ميمورى
. لا يدعم راديو FM 
. لا يدعم مدخل سماعات 3.5 ميللى 

طيب نتكلم بصراحة عن الموبايل وعن مميزاته اللى لا تحصر وتقريبا كده الشركة أبدعت فى صنع الموبايل وحطت كل الامكانيات و المواصفات الجبارة المتاحة معا شكل رهيب جدا وخيالى وتصميم ولا أروع وخامات فلاج شيب 
كل ده قصاد عيوب بسيطة جدا وهيا ان مفيش منفذ لكارت الميمورى ومفيش مدخل سماعات 3.5 ميللى وبصراحة كتير مننا ما بيعتبروش حاجة زى كده عيب ومنقدرش نسيب كل المميزات الرهيبة ديه قصاد عيوب لا تذكر 
و الموبايل تقريبا فيه كل حاجة ممكن نتخيلها من أول الشاشة الرهيب و خامات الصنع الممتازةو الأداء العالى و البطارية الجبارة وصولا لأنه مقاوم للماء وكمان فيه بصمة فى الشاشة وديه حاجة مش موجودة فى موبايلات كتير فلاج شيب 
كل  ده يخلينا نقول برافو ل OnePlus لأنها قدمت فعلا الفلاج شيب الحقيقى اللى بييجى من غير تنازلات