Samsung Galaxy Note 10 أخر تسريبات


أقوى التسريبات عن ال Note 10
التسريبات بتقول ان ال Note السنادى هييجى فى كذا نسخة غير كل سنة و على الأقل السنادى هيكون في نسختين أساسيتين و غالبا هيكون معاهم نسخة خاصة بال 5G النسختين دول ممكن جدا حس التسريبات تكون واحدة فيهم باسم Note 10 Pro و النسخة التانية تكون باسم Note 10e زى ال Galaxy 10e 

نسخة البرو طبعا هتيجى معا الشاشة الأكبر فى حدود 6.7 انش أو أكبر بشوية ونسخة ال E هتكون أصغر و الشاشة فيها حوالى 6.3 انش 
المفروض ان النسختين طبعا هيقدموا أهم حاجة موجودة فى النوت و هيا ال S Pen لكن فيه تسريبات جديدة دلوقتى بتأكد ان النسختين بتوع الجالاكسى نوت هييجوا من غير زراير و للأسف من غير مدخل 3.5 ميللى للسماعات 

فى الغالب موبايلات النوت الجديدة هتيجى بزجاج Edge قوى زيادة هيكون لافف على فريم رفيع جدا من المعدن و فعليا مش هيكون فيه مكان أساسا للزراير و التسريبات بتقول ان الفريم بس هييجى بأماكن بارزة عشان تحسسك بمكان الزراير لكن الزراير مش هتضغط فعليا مش هتكون زراير فعلية حاجة كده شبه الموجودة فى Vivo Apex 2019 

و فكرة عدم وجود زراير ما نقدرش نعتبرها ميزة لأنها مش هتضيف حاجة جديدة للموبايل ولازم يمون التاتش فيها كويس جدا علشان المستخدمين ما يواجهوش مشاكل معا الزراير ديه ويكرهوا الفكرة

لكن الحاجة اللى فعلا ناس كتير هتكرهها هيا عدم وجود مدخل 3.5 ميللى فى النسخة العاشرة من ال Note 
الميزة اللى ممكن ناخدها فى النقطة ديه هيا وجود حرية أكتر فى تغيير شكل التصميم شوية 
و الأهم من كده طبعا بطارية أكبر و دلوقتى هيكون فيه حيز أوسع جوه الموبايل و سمعنا فى التسريبات ان ممكن ال Note 10 Pro ييجى ببطارية 4500 ميللى امبير 

أما ال Note 10e فمتوقع ييجى معا بطارية 3400 ميللى أمبير و تعتبر أكبر حتى من ال Galaxy 10e اللى بطاريته بتكون 3100 ميللى أمبير بس 
و بنتوقع كمان اننا نشوف موبايلات النوت الجديدة معا شاحن سريع جدا أسرع من أى شاحن شفناه قل كده من موبايلات سامسونج

التسريبات و الاشعاعات بتقول ان الموبايل هييجى معا نظام كاميرات بشكل رأسى تحت بعض مش أفقى زى الموجود فى سلسلة ال Galaxy S و ديه حاجة شفناها فى موبايلات تانية من سامسونج لكن الأهم من كده ان الكاميرا الأمامية أو الفتحة المخصوصة للكاميرا الأمامية هتكون فى نص الشاشة و ديه حاجة طبعا جديدة على سامسونج و ما شوفناهاش على أى موبايل موجود فى الساحة حاليا و المفروض انها كاميرا واحدة بس مش 2 زى Galaxy S10 Plus 

المفروض ان موعد الاعلان الرسمى للموبايلات ديه يكون فى شهر أغسطس وكل ما نقرب من المعاد ده هيظهرلنا تسريبات فيها معلومات أكتر